ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |
ការចុះផ្ទៀងផ្ទាត់និយាមកាបោះបង្គោលព្រំដី និងរៀបចំផែនទីលម្អិតតាមបណ្តោយព្រែកជីកហ្វូណនតេជោ សម្រាប់កំណាត់ទី១ ប្រវែង ២១គីឡូម៉ែត្រ (ព្រែកតាកែវ-ព្រែកពោធិ៍ ) ត្រូវបានបញ្ចប់ ១០០% | សម្តេចតេជោ ហ៊ុន សែន ជំរុញ​កិច្ច​សហប្រតិបត្តិការ​អាស៊ាន​ឲ្យ​កាន់​តែ​ខ្លាំង​ចំ​ពេល​មាន​បញ្ហា​ប្រឈម​ជា​សាកល | កម្ពុជា និងឥណ្ឌូនេស៊ី មានគោលបំណងជំរុញកិច្ចសហប្រតិបត្តិការក្នុងវិស័យសំខាន់ៗ | កម្ពុជាហាមឃាតការនាំចូលសត្វពានៈ និងផលិតផលសាច់សត្វ​ពី​ប្រទេស​ថៃ​ជា​បណ្ដោះអាសន្ន ចំ​ពេល​មាន​ការ​ផ្ទុះ​ជំងឺ​ឈាមខ្មៅ ឬជំងឺអង់ត្រាក់លើសត្វពាហនៈ | កម្ពុជា​ចុះ​​ប្រហុកសៀមរាបជាម៉ាកសម្គាល់ភូមិសាស្ត្រទំនិញដើម្បីលើកកម្ពស់ផលិតផលធ្វើម្ហូបបែបប្រពៃណីខ្មែរ |

នាយករដ្ឋមន្ត្រី អរគុណអ្នកសង្កេតការណ៍អន្តរជាតិដែលមកសង្កេតការបោះឆ្នោតនៅកម្ពុជា

  • ចុះផ្សាយថ្ងៃទី០៤ ខែមិថុនា ឆ្នាំ២០២២ ម៉ោង ១២:២៩ នាទី ដោយ Hun Sirivadh
  • 1599
  Aa |   aA

ភ្នំពេញ៖ នាយករដ្ឋមន្ត្រីកម្ពុជា សម្ដេចតេជោ ហ៊ុន សែន បានថ្លែងអំណរគុណដល់ក្រុមអ្នកសង្កេតការណ៍អន្តរជាតិដែលមកសង្កេតការបោះឆ្នោតនៅកម្ពុជា ដែលនឹងបានឃើញពីការបោះឆ្នោតនៅប្រទេសមួយដែលធ្លាប់ល្បីល្បាញអំពីការធ្វើសង្គ្រាម ការកាប់សម្លាប់មកជាប្រទេសប្រជាធិបតេយ្យតាមរយៈការបោះឆ្នោត។ សម្ដេចលើកឡើងបែបនេះក្នុងពេលជួបជាមួយក្រុមអ្នកសង្កេតការណ៍បោះឆ្នោតអន្តរជាតិនៅវិមានសន្ដិភាព ព្រឹកថ្ងៃសៅរ៍ ទី៤ ខែមិថុនានេះ។ 

សម្ដេចតេជោ ហ៊ុន សែន បានរម្លឹកពីប្រវត្តិនៃកម្ពុជាប្រាប់ក្រុមអ្នកសង្កេតការណ៍ដែលចាប់ពីឆ្នាំ១៩៧៩មកកម្ពុជាបានព្យាយាមងើបពីសម័យខ្មែរក្រហមកុំម្មុយនីស្តមកជាប្រទេសប្រជាធិបតេយ្យពេញលេញ និងពីប្រទេសដែលធ្លាប់ទទួលកងទ័ពមួកខៀវពីអង្គការសហប្រជាជាតិ ទៅជាប្រទេសដែលបញ្ជូនកងទ័ពមួកខៀវទៅអន្តរជាតិវិញ។ 

សម្ដេចតេជោបានបញ្ជាក់ថា ការបោះឆ្នោតជ្រើសរើសក្រុមប្រឹក្សាឃុំសង្កាត់ត្រូវបានចាប់ផ្ដើមឡើងតាំងពីឆ្នាំ២០០២ ដែលជាការផ្ទេរអំណាចទៅថ្នាក់ក្រោមជាតិ ដើម្បីបោះឆ្នោតអសកលជ្រើសរើសក្រុមប្រឹក្សាខេត្ត និងព្រឹទ្ធសភា។

ក្រុមប្រតិភូទាំង១១ក្រុមដែលដឹកនាំដោយប្រធានមជ្ឈមណ្ឌលអន្តរជាតិប្រជាធិបតេយ្យ (CDI) លោក Andres Pastrana បានថ្លែងអំណរគុណចំពោះរាជរដ្ឋាភិបាលកម្ពុជាដែលបានអញ្ជើញប្រតិភូទាំងអស់មកសង្កេតការណ៍បោះឆ្នោតនៅពេលនេះ ហើយបានជូនពរឱ្យដំណើរការបោះឆ្នោតនៅថ្ងៃអាទិត្យ ទី៥ ខែមិថុនា ស្អែកនេះនឹងប្រព្រឹត្តិទៅបានរលូន យុត្តិធម៌ និងគ្មានអំពើហិង្សា។ 

គិតត្រឹមថ្ងៃទី៣ ខែមិថុនា គ.ជ.ប បានទទួលស្គាល់អ្នកសង្កេតការណ៍អន្តរជាតិចំនួន៨នាក់ ខណៈកំពុងពិនិត្យចំនួន១០២នាក់ផ្សេងទៀត ដោយឡែកភ្ញៀងពិសេសដែលបានទទួលស្គាល់មាន២០នាក់ពីស្ថានទូតមួយចំនួននៅក្នុងប្រទេសកម្ពុជា៕

PHOTO: KOK KY

ព័ត៌មានជាច្រើនទៀតសម្រាប់អ្នក